Мерcедес русумли автомобил эгаси ўз машинасини жуда катта суммага сотишга қарор қилди, деб хабар беради Газета.кз.

Бир неча кун олдин ёзги таътилни Сан-Тропеда ўтказаётган “Реал” клуби ва Португалия терма жамоаси ҳужумчиси Криштиану Роналду ушбу транспорт воситаси ёнида кичик ҳожатини қондирганди.

Автомобиль эгаси бу ишдан хафа бўлмади, аксинча, бунинг учун футболчига миннатдорчилик билдирди.

“Мен шундай бўлганидан хурсандман, раҳмат Роналду! Суратлар интернетда тарқалиб кетганидан кейин бой одамлар менга қўнғироқ қилиб, машинамни сотишимни сўради. Мен ҳатто автомобилни ювганим ҳам йўқ”, — деди Жеймс исмли ҳайдовчи.

Ҳозирда ушбу автомобил ўз нархидан 15 баробар қимматга — 86 840 долларга сотилмоқда.