"Манчестер Юнайтед" яримҳимоячиси Хуан Мата янги мавсумда ҳужумчи Хавьер Эрнандеснинг манчестерликлар сафида ўйнашига умид қилмоқда.
27 ёшли футболчи ўтган мавсумни "Реал"да ижарада ўтказди.
"Чичарито "Манчестер Юнайтед"га тегишли. Мен зиқнаман, шунинг учун у бизнинг жамоада қолишини истайман. У фаолияти давомида ўйнаган жамоалари сафида жуда кўп гол урган. Бундан ташқари у ақлли ҳужумчи.
У менинг энг яқин дўстимга айланган. "МЮ"га ўтганимда менинг жамоага мослашишим учун ҳамма нарса қилган. Чичарито - ажойиб инсон ва ҳақиқий профессионал. Менинг у билан бир жамоада ўйнаганим - омадим келгани. Унга қойил қоламан", - дейди Мата.