Бразилия терма жамоаси ҳужумчиси Робиньо Америка кубоги чорак финалидан ўрин олган Парагвай термасидан учралган мағлубият ҳақида ўз фикрларини билдириб ўтди.
Эслатиб ўтамиз, у учрашув якунланишига уч дақиқа қолганда захирага олинган эди.
"Мен майдонда қолишни ва пенальти тепишни жуда истаган эдим. Бироқ мураббийнинг қарорини ҳурмат қиламан.
Одатда, ўн бир метрлик нуқтадан тепишга ҳамиша тайёр тураман.
Биз бу мағлубиятга кўникишимиз лозим. Жамоа ўз ўйинини яхшилаши лозимлигини тушуниш керак.
Бугун ғалаба қозонишимиз мумкин эди. Бироқ беъмани гол ўтказиб юборгач, ўз имкониятларимиздан фойдалана олмадик", - деди Робиньо.
