Айнан шу сўзлар яқин орада футболчининг тилидан янграши мумкин. “Фиорентина” шу иш амалга ошиши учун барча ишни амалга оширмоқда.   “Фиорентина”нинг спорт директори Винченцо Гуэрини ўз фикрини баён қилар экан “Челси” ярим ҳимоячисини Италияда олиб қолиш учун барча ишни амалга оширганликларини айтиб ўтди:   “Мухлисларимизга шуни маълум қиламанки, клубимиз томонидан Салахга ақл бовар қилмас таклиф амалга оширилди. Агарда ушбу таклифни бошқа футболчи, хатто Салах рад этса ҳам бу футболчининг “Фиорентина”да қолишни истамаслигини англатади. Ўйлайманки, Салаҳ ушбу таклифимизни қабул қилади”.   “Унга бошқа клублардан ҳам қизиқишлар борлиги тушунарли, қолаверса, у ҳам мўмай пул ишлаб олмоқчи. Биз эса унга чиндан ҳам яхши таклиф билдирдик. Мухлислар сингари биз ҳам уни бой беришни истамаймиз. Чунки, у мавсумни аъло даражада ўтказди. Ҳамда доимо жамоани руҳлантириб турди”.   Спорт директорининг ишонч билан ўз фикрини билдиришига сабаб, футболчи бундан аввал клуб томонидан билдирилган ижара шартномасини қабул қилган.   Эслатиб ўтамиз, “Челси” билан ўзаро ижара шартномасига эришган италияликлар футболчини трансфер қилиб олиш ҳуқуқига эга. Бунинг учун фақатгина “Челси” ва Мохамед Салахнинг расмий розилигини олиш талаб қилинади.   23-ёшли ярим ҳимоячи “Челси”дан клуб сафига 2014 йилнинг қишида келиб қўшилган ва февралдан бошлаб жамоа таркибида иштирок эта бошлаган. Оз муддат, яъни 16 учрашувда жамоа шарафини ҳимоя қилган футболчи ўз ҳисобига А Серияда 6 та голни ёздириб қўйишга эришган. Бу эса жуда ажойиб кўрсаткич.