Самуэль Это'О бугун "Сампдория" билан шартномасини бекор қилиб, "Антальяспор" биан шартнома тузди.
34 ёшли футболчининг "Сампдория" мухлисларига атаб ёзган хайрлашув сўзлари 2015 йилда "Эвертон" мухлисларига ёзган мурожаатининг аниқ нусхаси бўлиб чиқди.
"Сизлар билан ўтказган ойларим мен учун фахрли бўлди. Менга сиз каби қизиққон, вафодор, ёқимли ва ҳақиқий мухлислар билан бўлиш жуда ёқимли бўлди. Хайрлашадиган вақт келди, аммо мен бу ерни, одамларни бир оилага бирлаштирадиган жойни доим ёдимда сақлайман", - деб ёзади футболчи Инстаграмдаги саҳифасида "Сампдория" мухлисларига.