ФИФА президенти Йозеф Блаттернинг маълум қилишича, 2018 ва 2022 йилги мундиаллар учун мезбонлар номини аниқлаш жараёнига Франция президенти Николя Саркози ҳамда Германия президенти Кристиан Вульф ҳам аралашган.
ФИФА Ижроия қўмитаси 2010 йилнинг 2 декабрида 2018 йилги жаҳон чемпионатини Россияда, 2022 йилги чемпионатни эса Қатарда ўтказиш ҳақида қарор қабул қилганди.
"Саркози ва Вульф қўмита вакилларининг қарор қабул қилишига ўз таъсирларини ўтказишган. Уларнинг босими остида амалга оширилган танловларни эса қабул қилишга мажбур бўлганман. Уларнинг кўпчилиги Қатарни танлашган эди", деб маълум қилади Блаттер Ассошейтед Пресс агентлигига.
Унинг фикрича, Германия футбол иттифоқи Вульфнинг кўрсатмасига биноан иш тутган.
"Қатарда кўплаб немис компаниялари фаолият юритмоқда. Германия бу турнир Қатарда ўтказилишидан манфаатдор", дейди ФИФА президенти.
