Яримҳимоячи Раҳим Стерлинг "Ливерпуль"дан "Манчестер Сити"га ўтгани ҳақида фикр билдирди.
20 ёшли футболчи Англия футболи учун рекорд суммага "шаҳарликлар" сафига ўтди.
"Мени ёқимли ҳислар чулғаб олган, бугун мен ва оилам учун ажойиб кун. Буларнинг ҳаммаси тугаганидан хурсандман, энди майдонга чиқиб машғулотни бошлашга шошиб кетяпман.
Англия термаси сафида Жо Харт билан гаплашган эдим. Унинг айтишича, "Манчестер Сити" - ажойиб мухлисларга эга катта клуб. Мени 15 ёшимда "Ливерпуль"га олган Рафаэль Бенитесга раҳмат. Шунингдек юқори савияда ўйнашимга имконият яратиб берган Брендан Роджерсга ҳам раҳмат", - дейди Стерлинг.
