“Тоттенхэм” клуби футболчиси Юнус Кабул фаолиятини “Сандерленд”да давом эттиради. 29 ёшли франциялик ҳимоячи “қора мушуклар” билан 4 йиллик шартнома имзолади.

“Бу жуда тажрибали йигит. Шундай футболчи бизга жуда зарур эди. Кабул “Тоттенхэм”даги фаолияти давомида буни исботлай олди ва шубҳасиз у бизнинг жамоамизни ҳам кучайтира олади”, - дея eurosport.ru “Сандерленд” бош мураббийи Дик Адвокатнинг сўзларини келтиради.

Тасдиқланмаган маълумотларга кўра, “қора мушуклар” Кабул учун 4-7 миллион евро атрофида маблағ сарфлаган.