Бразилиялик футбол афонаси - Пеле яна Альберт Эйнштейн номидаги шифохонага ётқизилди, деб ёзмоқда Спорт Экспресс нашри Globo Esporte га асосланиб.
Шифохона матбуот хизмати бу хабарни расман тасдиқлагани йўқ, бироқ Пеленинг шахсий шифокори сўзларига қўра, уч карра жаҳон чемпиони бўлган собиқ футболчи мана беш кундирки шифохонада даволанмоқда. Докторнинг сўзларига қараганда Пеленинг аҳволи оғир эмас. Бразилиялик футболчининг оила аъзолари ҳам бу борада аниқ бир нарса айтишмаган.
Эслатиб ўтамиз, ўтган йили ноябрдан бери Пеле Сан-Паулудаги Альберт Эйнштейн номли шифохонага тўртинчи бор келиши. Ноябрда у ушбу касалхонада буйраги ва қовуғидаги тошларини олдирганди. Бир неча кун ўтгач Пелега рухсат берилган, аммо орадан ҳеч қанча вақт ўтмай инфекция сабаб у яна касалхонага қайтарилганди. Ўшанда 74 ёшли футбол фахрийси икки ҳафта даволанган. Шу йилнинг май ойида Пеле навбатдаги марта касалхонага тушади, бу сафар гиперплазия сабаб операция столига ётди, лекин шифокорлар операциядан кейин ўсимта йўқ эканини маълум қилишди.
