Олий Лига иккинчи даврасига тайёргарлик кўраётган "Олмалиқ" клуби айни дамда Туркияда йиғин ўтказаётгани ҳақида хабар берган эдик.
Кеча "Олмалиқ" йиғин давомидаги навбатдаги ўртоқлик учрашувида Эроннинг "Фулад" клубига қарши майдонга тушди. Учрашув тенг курашлар остида кечган бўлса ҳам, ўйиннинг 65-дақиқасида пенальтидан киритилган ягона гол "Фулад"га ғалаба келтирди.
Таъкидлаш жоиз, "Олмалиқ" мазкур учрашувда 16 нафар футболчининг хизматидан фойдаланди. Умид Ҳонимқулов ҳамда Ғулом Ўруновлар кичик жароҳатлари боис учрашувда иштирок эта олмаган бўлишса, яна тўрт нафар футболчи – Жаҳонгир Абдумўминов, Никита Павленко, Диёржон Туропов ҳамда Дониёр Исмоиловлар Тошкентга қайтишди ва Ўзбекистон олимпия терма жамоаси йиғинида иштирокини бошлашди.
Клуб расмий сайти хабар беришича, Туркиядаги йиғин 22 июль кунигача давом этади.
