“Валенсия” “Брюгге” ҳамда Австралия терма жамоаси дарвозабони Мэттью Райан билан шартнома имзолаганини эълон қилди.

Бугун 23 ёшли футболчи янги клубда тиббий кўрикдан ўтди ва “кўршапалаклар” билан 2021-йил 30-июнигача амал қиладиган шартномага имзо чекди, деб хабар бермоқда “СЭ”. Норасмий маълумотларга қараганда трансфер 5 - 8 миллион евро эвазига амалга ошди.

Шуни ҳам таъкидлаш керакки, аввал “Манчестер Юнайтед”дан Виктор Вальдесни ижарага олишни истаганди, аммо якунда Райан фойдасига қарор чиқарилди. 2014/15-йилги мавсум Бельгия чемпионати ва Европа Лигасида голкипер 53 учрашувда майдонга тушган ва уларнинг 18 тасида ўз дарвозасидан гол ўтказиб юбормаган.