Ўзбекистон олимпия терма жамоаси шу йилнинг сентябрь ойида бир нечта терма жамоалар иштирокида ташкил этиладиган халқаро мусобақада қатнашиши мумкин. Бу ҳақда www.alghad.com сайтига асосланиб, stadion.uz хабар тарқатди.
Манбага кўра, мусобақада Уммон, Саудия Арабистони, БАА ва Ўзбекистон U23 терма жамоалари иштирок этиши кутилмоқда. Дастлаб турнир Туркияда ўтказилиши режалиши режалаштирилганди, аммо кейинчалик Словакияга кўчирилган. Мусобақа 3-8 сентябрь куни ташкил этилади. Бу муддат ФИФА кунларига тўғри келади.
Ушбу халқаро мусобақа юқорида номлари келтирилган термалар учун январь ойида Қатарда ўтказиладиган Осиё чемпионати олдидан тайёргарлик вазифасини ўтаб беради.
