“Фейеноорд”дан харид қилинган “Саутгемптон”нинг янги футболчиси Йорди Класи гарчи Роттердам клубини тарк этган бўлса ҳам собиқ жамоаси анъаналарига содиқ қолганини намойиш қилди.
Айни вақтда Англия клуби Роналд Куман бошқарувида Голландияда йиғин ўтказмоқда, машғулотлардан сўнг анъанага мувофиқ футболчилар меҳмонхонага велосипедларда қайтишади. Тасодифни қарангки айнан Класига бошқача велосипед берилибди.
Гап шундаки велосипед рамасида роттердамликларнинг ашаддий рақиби – “Аякс” эмблемаси туширилган қоғозча ёпиштирилган. Гарчи наклейканинг ҳажми кичик бўлса ҳам ярим ҳимоячи ўзига бошқа велосипед беришларини сўраган. Унинг собиқ клубига бўлган ҳурмати таҳсинга сазовор.