«Челси» бош мураббийи Жозе Моуриньо Халқаро чемпионлар кубоги доирасида «ПСЖ»га қарши ўйин (1:1, пен. 6:5) борасида ўз фикрлари билан ўртоқлашди.
««ПСЖ» — кучли таркибга эга бўлган яхши жамоа. Улар мавсумолди тайёргарлигини биздан аввал бошлашган ва шу боис тайёргарлик борасида бизни ортда қолдиришмоқда. Шу сабабли шогирдларим бугун яхши синовдан ўтишди.
Орье яккакурашларда анча тажавузкор ҳаракат қилди. Боиси, у «ПСЖ»нинг асосий таркибидан ҳар доим ҳам ўрин олмайди.
Агар маълум муддатга «Стэмфорд Бриж»ни тарк этадиган бўлсак, иккита ўйинни Шарлоттеда ўтказсак бўлади. Сабаби у ерда бизга яхши мухлислик қилишади.
Америка борган сари кўпроқ футболга кириб бормоқда. Ҳозир менга кўчада юриш осон эмас, мени таниб қолишяпти», – дейди Моуриньо.