ФИФА президентининг собиқ ўринбосари ва Жанубий Корея футбол уюшмасининг собиқ раҳбари Чон Монжун ФИФА президентлиги сайловларига ўз номзодини кўрсатишини тасдиқлади. Бу ҳақда ТАСС агентлиги хабар бермоқда.
Чоршанба куни, шунингдек, сайловларда УЕФА раҳбари Мишель Платини иштирок этмоқчи эканлигини билдирди.
“Агар мен ФИФА президентлигига сайлансам, менинг ишим офис ҳашаматида ўтириш эмас, балки уни, офисни ўзгартиришдан иборат бўлади, – деди Монжун. – Платини доимийлик ва барқарорлик тимсолидир. Бу муҳим, аммо ҳозир эмас, ҳозир ўзгаришлар керак”.
Ташкилот регламентига кўра, номзодлар 26 октябрга қадар мурожаатномаларини киритиши керак.
