"Реал" ҳужумчиси Криштиану Роналду ва ҳимоячилар Серхио Рамос ва Фабиу Коэнтрау умумий гуруҳ машғулотларига қайтишди, дея хабар беради Marca.
Учала футболчи чекловларсиз машқ қилишмоқда. Улар норвегиянинг "Волеренг" клубига қарши ўртоқлик учрашувини ўтказиб юборган эдилар.
Бундан ташқари ҳимоячилар рафаэль Варан ва Пепе, ҳужумчи Карим Бензема жароҳатларидан фориғ бўлишмоқда ва якка тартибда шуғулланишмоқда.
Аввалроқ Пепе ва Бензема Испания чемпионати стартини ўтказиб юборишлари хабар қилинган эди. "Реал" биринчи учрашувни 23 август куни "Спортинг"га қарши ўтказади.