Мадриднинг «Реал» клуби бош мураббийи Альваро Арбелоа Чемпионлар лигаси 1/8 финалида жамоа «Манчестер Сити»га қарши ўйнашига ишонч билдирди.

Маълумки, ушбу босқичда «Реал»га «Манчестер Сити» ёки «Спортинг» жамоаларидан бири рақиб бўлиши мумкин.

«Бизга аниқ «Манчестер Сити» тушади. Худди охирги етти йилдаги каби», — деди Арбелоа матбуот анжуманида юмор билан.

Айтиб ўтиш жоизки, «Реал» ва «Манчестер Сити» Чемпионлар лигаси плей-офф босқичида охирги тўрт мавсумдан бери ўзаро тўқнаш келишмоқда. Бундан аввал ҳам бир неча бор учрашувлар бўлиб ўтган. Жорий мавсумнинг декабрь ойида эса, турнирнинг умумий босқичи доирасида «Манчестер Сити» Мадридда «Реал»ни 2:1 ҳисобида мағлуб этган эди.