Юрген Клопп келаётган ёзда мураббийлик фаолиятига қайтиши мумкин. AS нашри Salzburger Nachrichten газетасига таяниб хабар беришича, Клопп яқин келажакда "Ред Булл" футбол тизимидаги лавозимини тарк этиши кутилмоқда.
Манбанинг маълумотларига кўра, Клоппнинг ушбу лавозимдаги натижалари ички кутилмаларни оқламаган. Бу эса германиялик мутахассиснинг муддатидан олдин кетишига йўл очади. Юрген 2025 йилнинг бошидан бери "Ред Булл"да фаолият юритмоқда.
Шуни айтиш керакки, сўнгги ойларда матбуот Юрген Клоппни "Реал" билан боғламоқда. Мадрид клуби ёзда бош мураббийни алмаштиришга қарор қилиши мумкин. Январь ойи ўрталаридан бери жамоа билан Альваро Арбелоа ишлаб келмоқда. Эслатиб ўтамиз, 2015–2024 йилларда Юрген Клопп Англиянинг "Ливерпуль" жамоасини бошқарган.
