The Independent нашри "Ливерпуль" ҳужумчиси Марио Балотеллининг муаммолари тўғрисида материал тайёрлади.
Италиялик футболчи март ойидаги машғулотларда бир нечта воқеалардан сўнг клуб ишончини йўқотган.
Машғулотларнинг бирида мураббий Колин Паско ўйинчиларни ўртага йиққан. Шунда Балотелли Пасконинг сўзини бўлиб, бутун мавсумни жароҳатда ўтказган, оқсоқланиб келаётган Жон Фланаганга қичқирган. Бунинг учун у муддатидан олдин кийиниш хонасига юборилган.
Ўша куни машғулотдаги 10 га 10 ўйинда майдон марказидан ўз дарвозасига гол уриб, шериклари ва мураббийларини ҳайрон қолдирган.
Шундан сўнг жамоанинг "Арсенал"га қарши учрашувига бормаган ва фақат бир ойдан сўнггина заявкага қайтган.