Келгуси ёзда эркин агентга айланадиган "Манчестер Юнайтед" дарвозабони Давид Де Хеа, ушбу ёзнинг ўзидаёқ "Реал"га ўтмоқчи.
El Confidencial хабарига кўра, трансфер ойнаси ёпилгунга қадар "Реал"га ўтмаса, Де Хеа ўз агенти Жорже Мендеш билан шартномасини бекор қилади.
Манбага кўра, Де Хеа уч йил аввал Мендеш билан шартома тузаётган вақтда "Реал"га ўтказиш шартини қўйган, агар бу иш амалга ошмаса, дарвозабон 5 миллион евро товон пули олади.
Аввалроқ, "Реал" Де Хеа учун 40 миллион тўламасдан, унинг эркин агентга айланишини кутмоқчи экани маълум бўлган эди.