Вячеслав Солохо бошчилигидаги 19 ёшгача бўлган Ўзбекистон аёллар терма жамоаси Нанкин шаҳрида ўтказилаётган Осиё чемпионати 3-тур ўйинида Австралияга 0:2 ҳисобида мағлуб бўлди.

Мусобақанинг гуруҳ босқичи сўнгги турида ЎзбекистонU-19 аёллар терма жамоаси Австралияга қарши майдонга тушди ва 0:2 ҳисобида мағлуб бўлди. Шу тариқа Ўзбекистон U-19 ёшлари мусобақадаги иштирокини гуруҳ босқичда якунлади.

Эслатиб ўтамиз, 18 август куни Ўзбекистон U-19 аёллар терма жамоаси биринчи турда мусобақа мезбонлари — Хитой терма жамоасига қарши майдонга тушиб 0:9 ҳисобида имкониятни бой берган эди. Иккинчи турда Япония терма жамоасига қарши учрашувда ҳам Ўзбекистон ёшлари 0:6 ҳисобида мағлуб бўлишган эди.

U-19 аёллар Осиё чемпионати.

Нанкин, Хитой.

“A” гуруҳи, 3-тур.

Австралия – Ўзбекистон 2:0

Голлар: Аиша Кирби (36), Хлои О’Брайан (90+1)

Ўзбекистон: Лайло Тилолова, Гулхаё Маннобоева, Феруза Бобохўжаева (Дилдора Эргашева 40), Нилуфар Қудратова, Лианна Норбекова, Мафтуна Шоимова, Умида Зоирова, Дилноза Бектемирова, Дилдора Нозимова Малика Бурхонова, Севара Нормуродова (Шахноза Қурбонова 19).