Бугун бутун мамлакатимизда байрам шукуҳи ҳукмрон.
Ўзбекистон Республикаси мустақилликка эришганига мана 24 йил тўлди. Юртимизнинг ҳар бир чеккасида Истиқлол шодиёналари бўлиб ўтмоқда. Шу муносабат билан юртимизнинг таниқли спортчилари SPORTS.uz интернет портали орқали муборакбод этадилар.
Ҳамюртимиз Ҳусниддин Ғофуров ҳозирда Сербиянинг “Явор” жамоасида тўп сурмоқда. У юртдошларимизни Истиқлол айёми билан қутлади.
- Бутун Ўзбекистон аҳлини энг азиз байрамимиз – Мустақиллик билан табриклайман. Илоҳим, юртимиз доим тинч бўлсин! Мамлакатимиз гуллаб-яшнайверсин. Ўзбекистоннинг ҳар хил жабхаларда қўлга киритаётган ютуқлари янада кўпайишини истайман. Осмонимиз мусаффо, халқимиз фаровон бўлишига тилакдошман, - дейди Ўзбекистон миллий терма жамоасига номзод футболчи.
