«Интер»нинг чап қанот ҳимоячиси Федерико Димарко «Барселона» қизиқиш доирасига тушди.

Журналист Серги Капдевила маълумотига кўра, каталонияликлар 28 ёшли италиялик футболчини қўлга киритиш учун Алехандро Бальдени алмашинув битимига қўшиш имкониятини кўриб чиқмоқда. Бундан ташқари, «Барселона» «Интер»га қўшимча пул ҳам таклиф қилиши мумкин.

22 ёшли Бальденинг ўзи клубда қолиб, асосий таркибдаги ўрни учун курашиш ниятида. Бироқ «Барселона» раҳбарияти зарурат туғилса, футболчини жамоани тарк этишга кўндириш мумкин, деб ҳисобламоқда.

Айни пайтда битимни амалга ошириш осон бўлмаслиги таъкидланмоқда. Чунки «Интер» Димарко билан хайрлашишни истамаяпти. Шунга қарамай, томонлар ўртасида дастлабки муҳокамалар аллақачон бошланган.

Transfermarkt портали Димарко ва Бальденинг ҳар бирини 50 миллион еврога баҳоламоқда.