Англиялик ҳужумчи Уэйн Руни терма жамоадаги голлар сони бўйича рекордни Евро-2016 саралаш босқичи доирасида Швейцарияга қарши ўйинда янгилашга ҳаракат қилишини таъкидлади.
«Сэр Бобби Чарльтоннинг рекордига тенглашиб олганимдан фахрланаман. Менинг мақсадим – сешанба куни жамоага ёрдам бериш ва рекордни янгилашдан иборат. «Уэмбли»да рекордни янгиласам янада зўр бўларди.
Сэр Бобби ўйинлардан кейин ҳамиша «МЮ» кийиниш хонасига киради ва менга маслаҳатлар беради.
Умид қиламан, Англия терма жамоасидаги 107-ўйинимда 50-голни ураман. Лекин, тўғрисини айтганда, мен Англия терма жамоасидаги барча голларимни Евро-2016нинг ғолиблигига алмаштирган бўлардим», – дейди Руни.