“Барселона”нинг марказий ҳимоячи Херард Пике дисквалификацияси бўйича берган апелляцияси рад этилди.
Эслатиб ўтамиз, Пике “Атлетик”га қарши Испания Суперкубоги учун кечган жавоб ўйинида ён қанот ҳакамини ҳақорат қилгани учун 4 ўйинга дисквалификация қилинганди.
Бош ҳакамнинг ўйиндан кейинги расмийлаштирган баённомасида Пикенинг ён қанот ҳакамини шахсиятига теггани ва қаттиқ ҳақорат қилгани учун қизл карточка олгани қайд этилган.
Якунда ўйиндан кейин футболчи реферидан кечирим сўради ва протоколда ёзилган ҳақоратли сўзларни айтмаганини таъкидлади. Натижада жазо енгиллашди ва Пике тўрт ўйинга дисквалификация қилинди ва бу анча енгил жазо ҳисобланади.
Херард Пике Примера доирасидаги яна иккита учрашувда яъни “Атлетико” ҳамда “Леванте” билан ўйинларни ўтказиб юборади.
