Навбатдаги турда “Навбаҳор” Тошкентнинг “Пахтакор” клубини қабул қилади. Жамоамиз аъзолари бироздан сўнг Наманганда тўпланиб, пойтахтликларга қарши кечадиган учрашувга тайёргарликни бошлашади.
ПФЛ 22-турда хизмат қиладиган ҳакамлар рўйхатини эълон қилди. 20 сентябрь куни “Навбаҳор” марказий ўйингоҳида бўлиб ўтадиган ўйинни навоийлик Зокир Қодиров бошқаради. Унга қанотларда Тошкент вилоятилик Андрей Снетков ва гулистонлик Владлен Лушинлар ёрдам беришади. Захирадаги ҳакам сифатида андижонлик Акмал Раҳимов қайд этилган. Радик Серазиддинов эса Наманганга назоратчи ҳакам сифатида ташриф буюради.
“Навбаҳор” ва “Пахтакор” жамоалари ўртасидаги учрашув 20 сентябрь куни соат 16.30 да Намангандаги “Навбаҳор” марказий ўйингоҳида старт олади. Бир кун олдин бўлиб ўтадиган ёшлар ўртасидаги ўйин ҳам “Навбаҳор” ўйингоҳида соат 15.30 да бошланади.
