18 сентябрь куни олий лига жамоалари йигирма иккинчи тур баҳсларини бошлашади. Шу куни Муборакда “Машъал” — “Сўғдиёна” жамоалари майдонга тушади.

19 сентябрда эса яна бешта учрашув бўлиб ўтади. Унда “Қизилқум” — “Олмалиқ”, “Бухоро” — “Қўқон-1912”, “Шўртан” — “Андижон”, “Локомотив” — “Насаф”, “Металлург” — “Динамо” жуфтликлари майдонга тушади.

20 сентябрда бўладиган “Навбаҳор” — “Пахтакор”, “Нефтчи” — “Бунёдкор” жамоалари учрашуви билан йигирма иккинчи тур ўйинларига якунига етади.

Ўзбекистон Профессионал футбол лигаси Ҳакамлар қўмитаси қарорига кўра, “Қизилқум” — “Олмалиқ” жамоалари ўйинини тошкентлик Дмитрий Пислегин бошқариб борадиган бўлди.

Унга лайнсменлар Ҳусниддин Шодмонов (Бухоро) ҳамда  Набижон  Рўзимов (Тошкент)лар кўмаклашади.

Ёшлар лигаси учрашуви бош ҳаками ва асосий таркиблар захира ҳаками этиб қаршилик Комилжон Расулов тайинланган.

Учрашувлар назоратчиси Игорь  Мустафин Тошкентдан ташриф буюради.

Ўзбекистон Профессионал футбол лигаси вакили Ноил Лутфулин учрашув комиссари этиб белгиланган.

Эслатиб ўтамиз, ёшлар ўртасидаги ўйин 18 сентябрь куни “Қизилқум” ПФК болалар ва ўсмирлар футбол мактаби футбол майдонида ўтказилади. Учрашув соат 16.30 да бошланади.  “Қизилқум” — “Олмалиқ” жамоалари асосий таркиблари баҳси эса 19 сентябрда бўлиб ўтади. Учрашув “Сўғдиёна” стадионида соат 18.00 да бошланади.