Мадриднинг "Реал" клуби собиқ ҳимоячиси Мичел Сальгадо ўзи учратган ҳужумчилар орасида энг яхшиларни айтди.
"Шубҳасиз мен кўрган ҳужумчилар орасида Роналдо энг кучлиси эди. Унинг ижросида жуда кўп ажабтовур ҳаракатлар кўрганман.
Аммо шу билан бирга португалиялик Роналду эришаётган натижа ҳам кишини ҳайратга солади. Унда Мессидаги каби табиий иқтидор йўқ, аммо ўз меҳнати эвазига Месси билан беллаша оляпти ва "Олтин тўп"лар ютиб олмоқда. Бу жуда заҳматли иш.
Менимча одамлар Роналдунинг қадри ва ютуқлар учун қилаётган меҳнатини яхши тушунмаяпти", - дейди Сальгадо.