25 сентябрь куни “Қўқон-1912” жамоаси Олий лига 23-тур доирасида Навоийнинг “Қизилқум” жамоасини қабул қилади. Жума куни бўлиб ўтадиган мазкур баҳс бу жамоаларнинг 8-учрашуви сифатида тарихда қолади. Бугунга қадар бу жамоалар Олий лига доирасида 7 марта тўқнаш келишган.

Ўйинларнинг олтитасида навоийликларнинг қўли баланд келган. Битта учрашувда қўқонликлар ғалаба қозонишган. Тўплар нисбати 21-8, “Қизилқум” фойдасига.

Ўзаро ўйинларда “Қизилқум” 18 очко, “Қўқон-1912” эса уч очко тўплаган.

Бу жамоаларнинг биринчи даврада Навоийда бўлган ўйинида мезбонлар 3:1 ҳисобида ғалаба қозонишган.

Ўйинларда қайд этилган натижалар билан танишинг:

09.05.2015

Қизилқум - Қўқон 1912 - 3:1 (0:1)

05.10.2003

Қизилқум - Қўқон 1912 - 5:1 (2:0)

19.04.2003

Қўқон 1912 – Қизилқум - 1:3 (1:2)

30.11.2002

Қўқон 1912 – Қизилқум - 2:1 (0:1)

16.03.2002

Қизилқум – Темирйўлчи - 3:0 (2:0)          

02.11.2000

Темирйўлчи – Қизилқум - 1:3 (0:1)

01.04.2000

Қизилқум – Темирйўлчи - 3:2

Факт: Бу жамоалар шу кунга қадар Қўқонда учта ўйин ўтказишган. 2002 йилги учрашувда “Қўқон-1912” ғалаба қозонган. Ҳозир бу “Қизилқум” устидан қозонилган ягона ғалаба бўлиб турибди.

Ҳакамлар

Қўқондаги Марказий ўйингоҳда бўлиб ўтадиган “Қўқон-1912” – “Қизилқум” учрашувини Шерзод Қосимов бошчилигидаги ҳакамлар бригадаси бошқариб боради.

Олий лига

23-тур

«Қўқон-1912» (Қўқон) – «Қизилқум» (Навоий)

Ҳакамлар: Ш. Қосимов (Тошкент), А. Усмонов (Тошкент), А. Цапенко (Тошкент вил.), Б. Йўлчараев (Гулистон)

Назоратчи: И. Нехочин (Наманган).

Учрашув 25 сентябрь куни соат 16:30да бошланиши режалаштирилган.