"Насаф" - "Навбаҳор" (5:1) учрашувидан сўнг жамоамиз таянч ярим ҳимоячиси Эркин БОЙДУЛЛАЕВ ғалаба хурсанд эканлигини билдирди ва ўйин ҳақида гапириб ўтди.
- Ғалаба қозонганимиздан хурсандмиз. Албатта йирик ҳисобдаги ғалаба икки ҳисса ёқимли. Биз ҳар бир ўйинга бир хил тайёрланамиз. Ҳар доим мухлисларимизни хушнуд этиб, уларга ғалабаларни тақдим этишга ҳаракат қиламиз. Бу ғалабани тезда унутиб, "Металлург" билан бўладиган баҳсга тайёргарликни бошлаймиз. Бекободда бизни қийин ва қизиқарли учрашув кутмоқда. Ғалаба учун эса бор куч-ғайратимизни ишга соламиз. Мақсадимиз доимо ишқибозларимизни хурсанд этиш.
