Хитойнинг “Гуанчжоу” клуби бош мураббийи Луис Фелипе Сколари солиқларни ўз вақтида тўламагани учун 3 миллион доллар жаримага тортилди. Бу ҳақда Publico нашри маълумотига таяниб “СЭ” хабар тарқатган.
Мутахассиснинг ушбу ҳаракатсизлиги бўйича ҳукм Португалия прокуратураси томонидан чиқарилди ва унга кўра Сколари 2003 – 2007-йилларда солиқларни вақтида тўламагани учун жазоланди.
Эслатиб ўтамиз, бир вақтлар “Бунёдкор”да ишлаган мураббий 2002-йилда Бразилия терма жамоаси билан Япония ва Жанубий Кореяда ўтган мундиалда ғолиб чиққанди. “Европа Бразилияси” вакилларини бошқарган вақтида эса Eвро-2004 финалигача етиб борган, шунингдек, ЖЧ-2006 ва Евро-2008 ярим финаллари иштирокчиси бўлганди.
