Франция терма жамоасининг собиқ ҳужумчиси Николя Анелька ўзининг ватандоши Поль Погбанинг маҳоратига юксак баҳо берди ва шунингдек, Антони Марсиалнинг "МЮ"даги муваффаққияти ҳақида сўзлади.
"Ўйлашимча, Погба ҳақиқатдан ҳам 100 миллион евро туради. У ҳали ёш, аммо юқори савияли ўйинчи бўлишга улгурди. У майдонда ҳамма нарсага қодир. яна кучайиши мумкин, аммо ҳозир ҳам ўйинларни бир ўзи ҳал қила олади. Икки-уч йилдан сўнг дунёнинг энг яхши беш футболчисидан бири бўлади.
Марсиал ҳам яхши ўйинчи. "Манчестер Юнайтед"да уни муваффаққият кутиб турганига ишонаман. У ўз авлодининг энгяхши вакилларидан бири", - дейди Анелька.
