"Милан" ҳужумчиси Марио Балотелли А сериясининг 7-турида "Наполи"га қарши учрашувгача мушак жароҳатини тиклай олмади ва 4 октябрь кунги ўйинда жамоасига ёрдам беролмайди.
25 ёшли футболчи охирги машғулотни тренажёр залида ўтказди, аммо унинг номи майдонга тушувчилар рўйхатига киритилмаган.
Шунингдек, Филип Мексес, Иньяцио Абате, Жереми Менез ва М'Байе Ньянг ҳам "Наполи"га қарши майдонга тушмайдилар. Вирусли касаллик билан оғриган ва майдонга тушиши сўроқ остида турган Кейсуке Ҳонда рўйхатга киритилган.