Испания терма жамоаси ҳимоячиси Херард Пике миллий терма жамоа мухлислари томонидан бўлаётган ҳуштакбозликларни тўхтата олмаяпти. Бу сафар Люксембург термасига қарши Евро-2016 саралаш учрашувида (4:0) ҳам ушбу ҳолат такрорланди.
"Испания термаси - менинг уйим ва оилам. Мен терма жамода биринчи чақирилган кунимдан бошлаб ўйнаб келяпман. Терма жамоада мен ўзимга муҳаббат ва яхши муносабатни ҳис қиляпман. Бунга шубҳа йўқ. Биз анъанани ўзгартиряпмиз: ҳозирча, қарсакдан кўра, ҳуштак кўп чалиняпти. Аммо аҳвол яхшиланяпти. Мен ўзим ҳозирча, бу мамлакат ҳақида, терма жамоа ҳақида ҳеч қандай ёмон айтганим йўқ", - дейди Пике.
