“Интер” ярим ҳимоячиси Иван Перишич А Серия навбатдаги тури “Ювентус”га қарши учрашув олдидан туринликларнинг бу йилги мавсум скудетто учун имкониятларига баҳо берди.
“Ҳозир олдиндан ким чемпион бўлишини айтиш қийин, лекин бу йил кутилмаган воқеларга бой бўлиши аниқ. Сабаби “Ювентус” скудеттони қўлга киритмайди.
Башорат қилмоқчи эмасман, лекин “Ювентус”ни енгишимиз учун бизга жўшқин юрак, ақл билан ўйнаш ва албатта омадли бўлиш талаб этилади. Рақибнинг таркиби жуда кучли. Футболчилар орасида Погба ажралиб туради”, — дея Перишичнинг Football Italia нашрига берган интервьюсини келтиради Sports.ru.
