Италиялик таниқли мураббий Карло Анчелотти “Ливерпуль” клубининг ўзи билан алоқага чиқмаганини яна бир марта таъкидлади. Эслатиб ўтамиз, аввалроқ Харри Реднапп Анчелоттининг “Ливерпул”дан таклиф олгани, аммо уни рад этганини айтиб ўтганди.
“Мен “Ливерпуль” вакиллари билан музокара ўтказганим йўқ. Бу каби иш ўрни очилган вақтда ОАВ ходимларининг барчаси ишсиз мураббийларга нигоҳ қаратади. Ушбу рўйхатда мен ҳам борман. Лекин ишонч билан айтишим мумкинки мен ҳеч ким билан алоқага чиққаним йўқ.
Айни вақт ишга қайтишга тайёрман ва бор диққат-эътиборимни футболга қаратишни истайман. Терма жамоада иш вақти чегараланган, менга эса кўпроқ клубда ҳар куни ишлаш ёқади”, - дея Анчелотти сўзларидан иқтибос келтиради Goal.com.
