Қуйидаги мақоламиз турли сабабларга кўра ўз шериклари билан «нари-бери»га бориб қолган таниқли футболчиларга бағишланган.

Коло Туре ва Уильям Галлас
Йигитлар “Арсенал”да узоқ вақт бирга ўйнашган, лекин “Астон Вилла”га қарши ўйинда Галлас Турени танқид қилгандан сўнг уларнинг орасига совуқчилик тушади. Коло Галлас ва Венгерни ҳақорат қилади. Шу воқеадан сўнг Туре асосий таркибдаги ўрнини йўқотади. Колонинг айтишича, ҳимоячилар бир-бири билан умуман гаплашмай қўйишган.

Йенс Леманн ва Мануэль Альмуния
Яна “Арсенал” ўйинчилари. Альмуния асосий таркибда Йенснинг ўрнини эгаллаб олгач, улар бир-бирлари билан ҳатто машғулотларда ҳам гаплашмай қўйишган. Германиялик дарвозабон бундан доимо ғазабланиб юрган.

Златан Иброҳимович ва Эдисон Кавани
Златан Иброҳимович – “ПСЖ”нинг асосий юлдузи ва клубнинг ҳужум чизиғидаги ишонган тоғи ҳисобланади. Кавани Златан бўлмасагина марказий ҳужумда ўйнашидан доимо норози бўлиб келади. Бунинг оқибатида Ибра билан муносабатига совуқчилик тушишига сабабчи бўлган.

Криштиану Роналду ва Гарет Бэйл
“Реал”нинг асосий юлдузлари бир-бирлари билан дўст эмаслар. Ҳаммаси Бэйл “Леванте” дарвозасига гол ургандан кейин Роналду ғалати муносабат билдиргандан сўнг бошланган. Суперюлдузлар бу воқеалардан сўнг тортишишга ҳам боришган ва шундан сўнг улар деярли гаплашишмайди.

Лоттар Матеус ва Штефен Эффенберг
Германия терма жамоаси ва “Бавария”даги жамоадошлар Маттеус ва Эффенберг бир-бири билан муносабатда жуда кўп муаммолар келиб чиқган. Ҳатто улар майдонда ҳаракат қилишётганда ҳам бир-бирлари билан тортишиб кетишгача боришган.