«Атлетико» Чемпионлар лигасининг плей-офф босқичи жавоб учрашувида ўз майдонида «Брюгге» жамоасини 4:1 ҳисобида мағлуб этди.
Мезбонлар сафида Александр Сёрлот учта гол уриб, хет-трик қайд этган бўлса, яна бир гол Джонни Кардосо ҳисобига ёзилди. Меҳмонларнинг ягона жавоб тўпини Хоэль Ордоньес киритди.
Икки ўйин натижасига кўра «Атлетико» 7:4 ҳисобида ғалаба қозониб, Чемпионлар лигасининг 1/8 финалига йўлланмани қўлга киритди. Ушбу босқичда Мадрид клуби ё «Ливерпуль», ёки «Тоттенхэм» жамоаларидан бири билан тўқнаш келади. Испания клубининг рақиби жума куни, 27 февраль куни бўлиб ўтадиган қуръа ташлаш маросимидан сўнг маълум бўлади.
Европа Чемпионлар лигаси. Ўтиш босқичи. Жавоб ўйини
24.02.2026 | 22:45
«Estadio Civitas Metropolitano», Мадрид
«АТЛЕТИКО» (Испания) — «БРЮГГЕ» (Бельгия) — 4:1
(Биринчи ўйин — 3:3)
Голлар: Сёрлот 23 (1:0), Ордоньес 36 (1:1), Кардозо 48 (2:1), Сёрлот 76 (3:1), Сёрлот 87 (4:1).
«Атлетико»: Облак, Руджери, Ганцко, Пубиль, Льоренте, Баэна (Лукман, 70), Коке (Молина, 70), Кардозо (Мендоса, 83), Симеоне (Хименес, 83), Альварес (Гризманн, 58), Сёрлот.
«Брюгге»: Миньоле, Сейс (Лемарешаль, 82), Мехеле (Мейер, 88), Ордоньес, Саббе, Станкович, Тзолис (Нильссон, 82), Ванакен, Ветлесен (Дьякон, 65), Боржеш, Тресольди (Верман, 65).
Огоҳлантиришлар: Льоренте (85) — Ордоньес (40), Верман (85).
