«Барселона» ёзги трансфер ойнасида ҳужум чизиғини кучайтиришни режалаштирмоқда. Каталонияликлар анчадан бери «Атлетико» аъзоси Хулиан Альварес билан боғланаётган бўлса-да, клубда бошқа вариантлар ҳам мавжуд.
The Touchline нашрининг Испаниянинг Sport нашрига таяниб хабар беришича, «Барселона» Альваресга муқобил сифатида «Манчестер Сити» ҳужумчиси Омар Мармуш номзодини кўриб чиқмоқда.
Мармуш «Манчестер Сити» таркибига 2025 йилнинг январь ойида келиб қўшилган эди. Ўшандан бери мисрлик футболчи «шаҳарликлар» сафида 49 та расмий учрашувда майдонга тушиб, 12 та гол урди ва жамоадошларига 5 та голли узатмани амалга оширди.
Нуфузли Transfermarkt портали мутахассислари 27 ёшли Мармушнинг бозор қийматини 65 миллион еврога баҳоламоқда.
