«Barselona» yozgi transfer oynasida hujum chizig‘ini kuchaytirishni rejalashtirmoqda. Kataloniyaliklar anchadan beri «Atletiko» a’zosi Xulian Alvares bilan bog‘lanayotgan bo‘lsa-da, klubda boshqa variantlar ham mavjud.

The Touchline nashrining Ispaniyaning Sport nashriga tayanib xabar berishicha, «Barselona» Alvaresga muqobil sifatida «Manchester Siti» hujumchisi Omar Marmush nomzodini ko‘rib chiqmoqda.

Marmush «Manchester Siti» tarkibiga 2025 yilning yanvar oyida kelib qo‘shilgan edi. O‘shandan beri misrlik futbolchi «shaharliklar» safida 49 ta rasmiy uchrashuvda maydonga tushib, 12 ta gol urdi va jamoadoshlariga 5 ta golli uzatmani amalga oshirdi.

Nufuzli Transfermarkt portali mutaxassislari 27 yoshli Marmushning bozor qiymatini 65 million yevroga baholamoqda.