Биз сизни соғлиқ учун, айниқса футболчилар учун зарали бўлган, лекин кашандаликка ружу қўйган 10та футбол юлдузлари билан таништирамиз.

10. Эшли Коул

“Челси”нинг собиқ ўйинчиси, ҳозирда “Рома”да тўп сураётган Эшли Коул чекишга анча йиллар олдин ружу қўйган. У Англияда тўп сурип юрган даврида жуда кўп маротаба камерларга тушиб қолган. Жозе Моуринью Коулнинг бу ёмон одати умуман ёқмаган. У футболчи билан бу масалада жуда кўп марта гаплашган, лекин барибир фойдаси бўлмаган.

9. Джек Уилшер

“Арсенал” ярим ҳимоячиси Джек Уилшер ҳам чекётган вақтида журналистларнинг камераси нишонига айланган. Бир марта унинг “Наполи”га қарши учрашувдан сўнг Лондондаги тўнги клубларда чекиб турган ҳолатидаги расмлар тарқалиб кетган эди. Бу ҳолат эса Арсен Венгерга ёқмагани аниқ.

8. Фабиу Коэнтрау

Португалиялик ўйинчининг кашандалиги ҳаммага маълум бўлиб улгирган. Коэнтраунинг қўлида тамаки билан ресторандан чиқиб келаётган расми Испания нашрларида тарқалиб кетган эди. Шундан сўнг “Реал” рахбарияти унга жиддий жазо қўллайди. Коэнтрау бирқанча ўйинга четлаштирилади ва каттагина жаримага тортилади.

7. Роберто Карлос ва Роналдо

Роберто Карлосни қўлида тамаки билан кўп кўришган. Футболчи бу одатини ҳечқачон ташлай олмаган. Ҳатто унинг терма жамоадаги жамоадоши Роналдо ҳам бу ёмон одатга ружу қўйганлардандир. Роналдо ҳам бир неча маротаба қўлида тамаки билан журналистларнинг камераси нишонига айланган.

6. Димитр Бербатов

Болгариялик футболчи тамаки чакишни жуда яхши кўрадиганлардандир. Бербатов бу одатини ташлашга ҳам ҳаракат қилмайди ва ҳатто журналистларнинг босимига ҳам умуман эътибор бермайди.

5. Йохан Круифф

Футболчиларнинг орасида энг кашандаси Йохан Круифф бўлган десак адашмаймиз. Кунига 20та тамаки унинг учун меёр ҳисобланади. Ҳатто у мураббий бўланда ҳам чекишни ташламаган.

У бу ҳақда: “Менинг ҳаётимда иккита одатим бор: чекиш ва футбол ўйнаш”, — деган эди Круифф.

4. Марио Балотелли

“Милан” ҳужумчиси Марио Балотелли кўп маротаба тамаки чекаётгани камераларга мухирланган. Ҳатто у бу одатини яшириб ҳам ўтирмайди.

Собиқ узтози Роберто Манчини бу одатидан ғазабланганидан: “Яҳши ҳам мен унинг отаси эмасман. Агар Балотеллининг отаси бўлганимда, у тамаки чекмаслиги учун орқасига яхшилаб тепган бўлар эдим”, — деган эди.

3. Фабьен Бартез

Франция терма жамоаси собиқ дарвозабони ҳақиқй кашанда ҳисобланади. У кўп маротаба чекаётганида журналистларнинг камераси нишонига айланган. Унинг собиқ мураббийи сэр Алекс Фергюсон унинг бу одати ҳақида: ”Агар Бартез мен унинг чекишини билмайди деб ўйласа адашади. Бу одат жуда ёмон”, — деганди.

2. Уэйн Руни

Рўйхатимизнинг иккинчи ўрнида “Манчестер Юнайтед” ҳужумчиси Уэйн Руни эгаллади. У бу ёмон одати билан ёш футболчиларга мисол бўла олмайди. Рунини дам олиш пайтларида чекиётганини бир неча маротаба кўришган.

1. Зайниддин Зидан

Ва ниҳоят жаҳон футболининг афсонаси Зиданга ҳам етиб келдик. Буюк Зизу ЖЧ-2006 ярим финалидан аввал чекиб турган ҳолда суратга олинган. Лекин Зиданнинг ўзи бази-базида чекиб туришини такидлаган.