Бразилия терма жамоасининг собиқ ҳимоячиси Лусио ўз ватандоши Оскарнинг "Челси"даги ҳолати ҳақида фикр билдирди.
Оскар бу мавсумда лондонликлар сафида атиги 4 учрашувда майдонга тушиб битта гол урган.
"Оскар Бразилия термасининг ҳужум чизиғида усталарча ўйнайди. "Челси"да эса бошқа ролни бажаради. Бу икки хил турли усулла ва у бунга мослашиши керак. Моуриньонинг усули бир муддат унга мос келмаслиги мумкин, аммо Оскар бунга кўникиши керак. Агар у буни уддалай олса, ажойиб ўйинчи бўлади.
Жисмоний ҳолатининг тушиши - мослашув билан боғлиқ. У тиришиб ишлаши ва ўз ўйинини такомиллаштириши керак", - дейди Лусио.
