“Ньюкасл”нинг ҳимоячи Фабрисио Колоччинининг қизил карточкаси борасида берган апелляцияси қабул қилинди.

АПЛ 10-тури “Сандерленд” билан ўйин вақтида арбитр Роберт Мэдли аргентиналик футболчини жарима майдонида ишлатилган фол сабаб майдондан четлатган ва “зағизғонлар” дарвозасига пенальти белгилаган. Натижада “мушуклар” ярим ҳимоячиси Адам Жонсон 11 метрлик зарбадан унумли фойдаланганди.

Англия Футбол Ассоциацияси “Ньюкасл”нинг эътирозини қабул қилди ва энди 33 ёшли футболчи АПЛ 11-тури “Сток Сити”га қарши баҳсда иштирок этиши мумкин.