«Барселона» маълум бир пасайишни бошдан кечирмоқда — сўнгги ҳафталарда жамоа бир нечта оғриқли мағлубиятларга учради. Шунга қарамай, «кўк-анорранглилар» бош мураббийи Ханс-Дитер Флик ярим ҳимоячи Педри сафга қайтганидан сўнг, бу пасайиш тўлиқ бартараф этилишига ишонмоқда. Бу ҳақда The Touchline нашри хабар бермоқда.
Қайд этилишича, Флик Педрини жамоанинг балансини таъминлайдиган ва футболчиларни бирлаштирадиган асосий фигура деб ҳисоблайди.
Маълумки, жароҳати сабабли Педри бир ойга яқин вақтни ўтказиб юборди. Ўтган дам олиш кунларида ярим ҳимоячи «Леванте»га қарши ўйинда захирадан майдонга тушди ва тахминан ярим тайм ҳаракат қилди.
Ҳозирда «Барселона» Испания чемпионати турнир жадвалида пешқадамлик қилмоқда ва иккинчи ўриндаги «Реал»ни бир очкога ортда қолдирмоқда.
