“Реал” клуби ҳужумчиси Криштиану Роналду Англия чемпионатига қайтишни истамоқда. Бу ҳақда унинг яқин дўсти “Шеффилд Уэнсдей” ўйинчиси Жозе Семеду маълум қилган.
“Роналду “Реал”да бахтиёр. Аммо у инглиз футболи ва англияликларни яхши кўради. Ўйлашимча, у бир куни албатта Англияга қайтади. Криштиану фаолиятини АПЛда якунлаш фикрига қаршилик қилмаса керак.
У бир вақтлар “Реал”нинг Англия чемпионатида қатнашишини исташини айтганди. Аммо бунинг имкони йўқ. Шундай экан Роналду Англияда бироз вақт футбол ўйнаб, кейин фаолиятини якунлайди”, - дея Euro-football.ru Talk Sport нашрига таяниб Семедунинг фикрларини келтиради.
