“Валенсия”,  “Барселона” ва “Атлетико” клубларининг собиқ футболчиси Давид Вилья ҳақида нималарни биласиз? Биз иқтидорли ҳужумчи ҳақидаги 10 та қизиқарли маълумотни эътиборингизга ҳавола этамиз.
 
1.  Туғилган вақти
Давид Вилья 1981 йилнинг 3 декабрида Испаниянинг шимолидаги Астурия провинциясида Лангрео шаҳарчасида туғилган.

2.  Оиласи
Отаси Хосе Мануэл Вилья асл касби кончи бўлган.  Оиласида яна икки нафар опаси бор.
 
3.  Футбол билан хайрлашмо қ чи бўлган…
Давид 9 ёшида белидан оғир жароҳат олган ва футбол билан абадий хайрлашишига бир баҳия қолган.  Аммо соғайиб майдонга қайтишга ўзида куч топа олган.
 
4.  Рафиқаси
Рафиқаси Патрисия билан мактаб даврларида танишган.  Улар 2003 йилда оила қуришган.
 
5.  Фарзандлари
Давид ва Патрисиянинг икки нафар фарзандлари бор.  У 2005 йилнинг 7 декабрида туғилган қизига Сайда деб исм берган бўлса,  2009 йилнинг 18 августида иккинчи марта қизли бўлди ва унга Олаяя деб исм қўйди.
 
6.  Лақаби
Давиднинг лақаби “Эль Гуаже” бўлиб,  бу астурия тилидан таржима қилинганида “болакай” деган маънони билдиради.
 
7.  Кумири
Вилья болалигида “Барселона”нинг айни пайтдаги мураббийи Луис Энрикенинг ўйинларини севиб томоша қилган ва уни ўзининг кумири деб тан олган.
 
8.  Севимли спортчиси
У “Формула-1” автопойгачиси Фернандо Алонсони ўзининг севимли спортчиси деб билади.  Давид Фернандо билан яқин дўст ҳам ҳисобланади.
 
9.  Китобхон Вилья
Давид китоб ўқишни ҳам яхши кўради.  Унинг севимли китоби бу “да Винчи Коди” асаридир. 
 
10. Саҳоватпеша футболчи
Вилья мунтазам тарзда болалар шифоханалига ташриф буюриб,  хаста ва ногирон болаларга совғалар улашиб,  уларга моддий ёрдам кўрсатади. 
 
Фурқат Юсупов