Украиналик собиқ футболчи Андрей Шевченко «Барселона» етакчиси Лионель Мессининг шаънига илиқ фикрларини билдирди.
«Месси шубҳасиз замонамизнинг чинакам футбол даҳоси. Унинг майдонда қилаётган ишларини такрорлаш жуда қийин. У каби футболчилар 100 йилда бир марта дунёга келади. «Барселона»нинг сўнгги йиллардаги муваффақиятлари бевосита унинг номи билан боғлиқ. У футбол оламида ўз саҳифасини битишга улгурди. Пеле ва Марадона даражасига чиқиш учун унда ҳали вақт бор», — дейди Шевченко.