“Атлетик” ҳужумчиси Ариц Адурис ноябрь ойида ўтадиган ўртоқлик учрашувларида Испания терма жамоаси таркибига жалб қилинмаганидан норози. 

Аввал ЖЧ-2010 ҳамда Евро-2012 ғолиби бўлган мураббий Висенте Дель Боске 34 ёшли футболчининг миллий терма жамоада ўйнаш учун қарилик қилишини айтиб ўтганди.

– Футболчининг ёши нисбий тушунча. Ёш ҳақида гап кетганидан ҳаммани бир ўринга жойлаштириш нотўғри. “Атлетик” таркибида жамоа муваффақиятига улкан улуш қўшаётганим албатта яхши, аммо терма жамоа сафида ҳам янги чўққиларни забт этишни истардим. Дель Боске билан бу борада суҳбатлашдимми? Йўқ, – дея Адурис сўзларини келтиради Marca га таяниб “СЭ”.