Дортмунднинг "Боруссия" клуби ҳужумчиси Пьер-Эмерик Обамеянг Германия чемпионати 12-туридан ўрин олган "Шальке 04"га қарши ўтадиган "Рур дербиси"да гол киритадиган бўлса, буни ўзгача нишонлашини таъкидлаб ўтган. Жамоаларнинг ўтган сўнгги баҳсида габонлик футболчи ва Ройс киноқаҳрамонлар Бэтман ва Робин кўринишида нишонлашган эди.
Аммо эртанги баҳсда Обамеянг гол урадиган бўлса жамоадоши Ройссиз нишонлашига тўғри келади. Чунки Ройс Европа лигаси 4-турида "Габала"га қарши баҳсда жароҳат олиб, икки ҳафатга сафдан чиққан.
– Кўрамиз. Бу сафар ўзгача нишонлашни ўйлаб қўйганман, – дейди Обамеянг. – Ўтган гал Бэтман ниқобини кийгандим. Бундан ташқари яна кўплаб ажойиб фильмлар бор.
"Боруссия Д" - "Шальке" баҳси эртага, 8 ноябрь куни Тошкент вақти билан 19:30да старт олади.
