Германия чемпионати 12-тур доирасидаги «Бавария» ва «Штутгарт» клублари ўртасидаги ўйиндан сўнг (4:0) мезбонлар ярим ҳимоячиси Арьен Роббен ўз фикрларини билдирди.
«Биз ўйиннинг биринчи яримида жуда тезкор ўйнадик. Рақибнинг хатоларидан унумли фойдаландик. Ўз ўрнида ҳимояда ҳам ишончли ўйин намойиш қилдик. Аммо менинг ўзим бир нечта имкониятларни кўкка совурдим. Аммо бундан ортиқча ташвишга тушиш керак эмас. Негаки, муҳими жамоа ғалаба қозонди. Ўзимни кўрсатиш учун мавсум давомида ҳали ўйинлар кўп», – дейди Роббен.
